Puesia puesia che ti devi truvá la rima

sü la cüpula ‘d San Gavdensi prova un po’ a purtam in scima

Sü lá in t’l’aria a smea mia, ma al mund l’é un fassulètt

e mi ‘m senti picinin insema a tüti i mè difètt

Da luntan al Monte Rosa cume una grossa gésa

dasi dasi vers al pian la cumincia la discesa

E se i guardi ‘dl’altra part dopu che indré m’ho girá

a ghé mia da scunfundas i risèri hin chi tacá

Suta i pé la mé citá l’é ancura püssé bèla

e vüré a vess precìs a ma smea una stèla

Lá in fund a ghé i cinin che da Vevar i hin i padròn

Sant’Agabi ghé i ranat che la fan da prufessiòn

San Martin cun i assassin l’é mai stai ‘na nuvitá

propi cume a Perná che in ciamá massacürát

e a Sant’Andrea vann a spass tra ‘l sut-pasagg e la féruvia

bei quaiet i rimulàs che nissün a ia porta via

Dess che i guardi un po’ chì suta e che l’öcc ma scapa via

ma cus l’é sta smagia verda cunturná da puesia?

Quasi in fianch al mercá coperto al Valentino lá da dré

se al Nuara al segna un gol i saltan tüti quanti in pé.

Ma che bell ch’ l’é l’Alcarotti!! quanta gloria e alegria!!

quand ti s’eri setá dentar ti vürevi pü andá via

Cari fiöi iv ciami scüsa i m’ho fai ciapá la man

ma ‘l Nuara l’é una spusa sensa trüch e sensa ingan

E a vüaltar Cianci Rullo o Rullo Cianci cumè ch’ a sia

ricurdìv che al Nuara l’è la nostra puesia

Fai da rimi da passion tantu amur e sufferensa

e da vüaltar, sti tranquil, i puduma fa anca sensa 

Dess i vegni gió d’la cüpula anche se son mai stai sü

i sugnavi ad öcc düèrt Ia prumetti … la fo pü

 

Forsa Nuara tüta la vita

 

Nonnopipo