Cunt al cör in man Dialetto

Im caci dré a scriv una puesia int la lengua dla mè gent

una puesia che la parla un po’ da tütt e un po’ da gnent

una puesia nè lunga nè cörta che ti la podi anca cantà

cunt i paroli d’ una cüntula che ti fè sveltu a imparà

una puesia d’ una volta, mia a culùr ma in bianch e negar

che mia tüti hin bon da légg chi l’è camuff e chi l’è  alegar

nè sustansiusa nè mudesta un po’ liscià un po’ rüghénta

nè trop giascià a temperatüra ambient, da sicür mia sbruiénta

un po’ büsarda e un po’ canaja da sicür fin trop sincera

prufümà ‘mè un filon da pan che al düra fin la sera

grisa cume al duvria véss un nuembar un po’ nebiùs

cargà da dulsa nustalgia, ‘mè i ricord alegar e dulurùs

legéra ‘mè ‘na falüspa da paia ch’ la vula int la turmenta

sensa pretesi da véss bèla a la sveltina ma anca lenta

una puesia che ‘nt i so rimi la ricorda la mè Nuara

al so dialèt e la so gent, generusa e mai avara 

una squadra e la so maja cunt un balòn da pià a piscià

un culùr cume cul dal ciel da restà fin stracüntà

cunt al cör ch’ al pica fort quand al veda stu culùr

ch’ al fa viscà una lampadina alimentà dal nostr’ amùr  

 e ‘dèss che ‘l magòn al riva e al vöra pü andassan via

Nonnopipo av dà un basìn una carèssa e cusì sia.

 

 

Nonnopipo


Novara perchè è la mia città, il Novara calcio perchè è la squadra della mia città, il dialetto perchè se il futuro è una porta il passato è la chiave per aprirla. Forsa Nuara tüta la vita.

Lascia un commento

%d blogger hanno fatto clic su Mi Piace per questo: