San Gavdensi l’è ciapà al DASPO Dialetto

Gira vus che San Gavdensi sensa boria e cun rispèt

par la partida giò in mandrogna l’è vursü pià ‘l biglièt

as fa dà una man dl esperto che par tüti lè San Giuan

tüti e dü tacà al computer is culégan a Ticketone

San Giuan che lè un giuvnot e ‘l manca mia d’esperienza

agh ciama prestu al Nuares quand l’è nassü e la residensa

Cumpilà par ben tüt quant ‘dèss ghè da stampà i biglièt

ma la machina infernal g ha propi mia un bèl aspèt

cunt un para da miracul i biglièt dèss g’ han in man

e s’ anviaran par Lisandria San Gavdensi e San Giuan

Cusì i rivan al Moccagatta e restan tüti stracüntà

e i steward in maia gialda in ginöcc i fan pregà

Sensa fala tantu lunga impartissan la benedission

ma un a steward al Gavdensi agh sequestra al so baston

L’intervegna al San Giuan che da nom al fa Batista

da Türin l’ è ‘l prutetur e cume sant lè ben in vista

E risolt che lè al prublema in camp i rivan i giügadur

ma San Gavdensi a l’impruvis sveltu al cess al deva cur

“ Na pudevi propi pü son duvü a la svelta scapà via

a véd i maj bianchi e neri am ciapa la dissenteria”

La cumincia la partita el San Gavdensi a pügn sarà,

cun al baston al pastural adess l’arbitro al và a picà!

Al capell as tira via as cava tüti i parament,

e al “bastard e disunest” al baston ag dà süi dent

“L’era un pò che l’aspetavi dess i podi ancha ‘ndà via…

ciaparò tri ani ad DASPO cus ti vöri mai ca sia!!

E ‘dèss, tranquil ‘mè ’n vescuv, ‘nt al mè scürö turni a durmì

e al mè Nuara ch’al vincia o ch’al perda a benedil igh pensi mì

 

Forsa Nuara tüta la vita

 

Nonnopipo


Novara perchè è la mia città, il Novara calcio perchè è la squadra della mia città, il dialetto perchè se il futuro è una porta il passato è la chiave per aprirla. Forsa Nuara tüta la vita.

Lascia un commento

%d blogger hanno fatto clic su Mi Piace per questo: