MARCHEGIANI

Cula maièta culur rosa Barbie propi agh va mia giò. Alura ìn pruvà cun vüna gialda iterisia. L’è fai savé a la sucietà che se al vureva avegh indoss cui culur lì, al faseva al curidur ciclista e s’ iscriveva al gir d’Italia e al Tour de France

CASSANDRO

L’è da Giobia che l’è un po’ giò da gir, da quand l’è perdù l’ ültima puntata da “Giochi senza Frontiere”. S’ ha ripià ‘pena ‘pena quand i g’ han dai una videocasèta vègia cume Gonzalez, cun registrà una puntada da “fumetti in tivù”. Urmai anca lü l’è stai cuntaminà dal virus cinaglia che t’ obbliga a fa i cross a trentacinch centim da tèra

SBRAGA

Banchieri g’ ha urdinà da pià ben i misüri dal centravanti. Süi gol al canta la nInna nanna al sò fiulìn dla difesa. Comunque la cassa da mort la duvrissa andà ben

POGLIANO

As disvégia che suma già suta da dü gol e dopu a smea una rana bota in mèss dal ris 

CAGNANO

Forsa fisica da vénd: int una sula partida l’è fai véd la rabbia da Silvestar Stallone, i muvensi da Arnold Schwarzenegger e i cavéj da John Travolta

COLLODEL

La miscela al dü par cent dal Ciao l’è finì e l’ ha lassà a pé. Bütà al muturin l’è düra anca par lü

BIANCHI

La class l’è mia acqua fresca, ma la serva a poch in serie C, as darna l’anima, ma al risültà l’è cume balà al minuetto in discuteca

FONSECA 

L’ è fai püssè erùr lü che al Principe consorte inglès che g’ ha sessantani d’esperiensa ‘ntal camp di capèli

PISCITELLA

Al va in gir cun i ügiai da sul, la facia scundü da una sciarpa e un caplàsc négar in testa, da cula volta che al bancomat g’ ha scrit :” Sarebbe meglio se tu passassi la palla … conferma”

PERALTA

L’ è furtünà cume un can in gésa, al ciapa un pal sü punission e pö dopu al purtier al rampega a l’incrus di pal par tirà via i ragnèri prima ch’al riva al fulbar.

BORTOLUSSI

L’ültim gol l’ha fai quand al giügava ‘nt i pulin (pulcini). S’ ha mangià un gol cusì gross che par al pesantur sül stomich l’e fai fora una scatula da Gaviscom. Dopu tre uri, sül pulman, l’è fai un tramentu röc che tüti ìn pensà al taramot.

SOSTITUZIONI

NARDI: Sü par la smana s’ ha fai amunì anca dal caposcala dal sò cundumini che g’ ha mustrà al cartlin giald quand l’ha ducià a mètt l’ümid dentar al cassunèt dal védar par la secunda volta. Ancura un cartlin e scata la squalifica

CAPANNI: L’è tirà una šišula che l’è büsgà al purtièr ‘mè ‘na rundèla dal vint

PINZAUTI: Mercul da sera sü RAI tre a “chi l’ha visto?”  Chi gh interessa.

GONZALEZ: La mira l’è ancura da registrà, anca se cun l’ünich tir véss bon da s-ciapà in pieno al vedar dal finestrin dal pullman, l’è mia roba da tüti

BANCHIERI

L’è rilasà un’ intervista indua l’è dì che tri derby int una smana l’è cume par un astémi bev tre butigli da Spana a culassion; Quand l’è che g’ han dì che i derby eran madumà dü, l’è burbutà: “Ma alura, chi l’è ch’ ìn sti tri barlafüs che is ciaman cume al strachìn?” Dü o tri derby fa mia diferensa, al risültà al cambia mia.

ALBITRO

Vara cul che al diséva sempar al Carlon

Tifùs

Al Serafìn dal s-giaché vunc l’è ‘ndai par ciudìn e l’è bürlà dentar un foss. Da già ch’ l’era tütt bagnà g’ ha dai una lavada al s-giaché

Nonnopipo