MARCHEGIANI
L’era ancura in vià a laciàs i scarpi ‘nti spogliatoi che quand al va in camp l’è già ciapà un gol. Adèss deva saltà fora chi l’ è stai a ciulà i stringhi di scarpin.
BARBIERI
Dopu al sciopero par l’ambient e la pizza che l’è pagà a tüta la squadra, dirigent, alenadur, magasiné e a una dunsèna da tifus surtegià, al poda pü pià la merendina a scola e sensa al Pablo che la prutégia e agh tira sü la cuèrta e ag cünta la cüntula prima da durmì, al fiulòt l’è ‘ndai in crisi.
SBRAGA POGLIANO
Anca lur i cercavan i stringhi dl’ Arcangelo Gabriele ‘nti spogliatoi, intant che ‘l Comi s’ ha disvigià dal coma che al dürava da vündas ani e…
CAGNANO
L’ünich anticip che stasera l’è stai bon da fa l’è stai cul da rivà par prim suta la dòcia
SCHIAVI
Ültimament l’è ‘fidabil ‘mè ’n investiment a la Banca Etruria, e s’ ha mangià un gol insì gross che se stasera al scurégia sa slarga da quatar chilometri al böcc dl’ozono
BUZZEGOLI
Al vegna marcà a oman da vün che in testa al gh à una petinadüra che tüti i volti che al vegna inquadrà dla telecamera da Eleven, in Italia un barbé as massa
BIANCHI
Anca lü l’è culpevul dla schèrs di stringhi, al fa finta da fas mal a la sciüca par nascundai ‘nt la fassadüra
PERALTA
Povar matalìn!! Al fa dal tütt par fas marcà a oman ma gh è nissuna che la caga. Ültimament la ciamarissi gnanca se duvissa mancà un quai vün al fantacalcio
BORTOLUSSI
Al veda la porta cume mì la Madona se i vò a Medjugorje, al riescia mia a stupà un balòn gnanca se al duvissa druvà i man
PISCITELLA
Al vegna sempar radupià int la marcadüra, però se l’avissi vist giügà stasera par la prima volta disarissi che l’è scars ‘mè l’acqua in Africa
Sustitüssion
CASSANDRO: I s’eri trop rabià, ma l’è stai bon da fa pegiu da cul che l’ è sustitüì
GONZALEZ: Adèss ho capì indua ìn finì i stringhi dal povar purtier: ìn finì par legà tra da lur i scarpin dal Pablo. Lü ‘sna n’acorgia mia e s’ ingarbüia tüti i volti che al deva cuntrulà al balòn
COLLODEL: Pena dentar al visca al Ciao e, anca sensa casco, al fa di sgumàdi sü la fibra da cocco che al povar giardiné as mèta i man int i cavéj, quand as’ na n’ acorgia che da cavéj a g’ n’ha mia, as mèta dré piang ‘mè un fiulìn.
CAPANNI: Al va in camp quand sü la testa da sò šiu Tomm spunta già ‘na quai piantina, e ‘l ninìn as dimustra svicc ‘mè n’arburèla dl’Agogna
STRISCIÒN “FORZA VECCHIO CUORE AZZURRO”: L’è stai ciamà par sustitüì cul végg che l’è mort par culpa dal vént che al riva dla muntagna. Però adèss gh è da pagàl. La prossima partida che giügaruma al Piola fasì un’ uférta generusa
Staf (La so che sa scriva cun dò F ma in dialèt sa scriva cun vüna)
LORENZO DE MANI
Al Luréns l’è mia fai una fassadüra sü la testa dal Bianchi ma un’opera d’arte. Dopu che gh avran rilasà la licensa edilissia, dumàn matina l’ Er Nani giardiné al cumincia a dà la smensa par fa al Busch vertical anca a Nuara.
TIFUS E ARBITRO
Quand prima dla partida al Nibàl di distinti, al disa da sentì una spüssa ad merda, l’arbitro al sarà un bastard e disunèst. Anca stavolta l’è mia sbaglià.
Nonnopipo
Lascia un commento