Marchegiani

Al fà di usciti che smea ch’ al vöra scapà a cambià la divisa rosa binìs

 

BARBIERI

Sabat sera l’è fai bisbocia e g ha restà sü stomich l’ültim succo da früta a la mugnaga

 

POGLIANO

Int l’interval l’è rüsà ‘nti spogliatoi insèma al Cagnano par l’ültima merendina a la ciculata, l’è duvü spartii al povar Sbraga che agh n’ ha dai un toch prüna

 

CAGNANO

Int l’interval l’è rüsà ‘nti spogliatoi insèma al Pogliano par l’ültima merendina a la ciculata, l’è duvü spartii al povar Sbraga che agh n’ ha dai un toch prüna

 

SBRAGA

L’ intervent püssè dificultus l’ ha fai ‘nt l’interval dentar i spogliatoi quand l’è duvü spartì al Cesar e l’Andrea che i eran dré rüsà par l’ültima merendina a la ciculata. Comunque, int un’ intervista rilassà al Faranna sü par la smana, l’era dì da véss preocupà par via dla machina dal sücar filà ch’ìn dò smani ch’ l’è ruta.

 

FONSECA

Disan che ‘nti spogliatoi sa fai purtà una cadrega cun sü scrit “regia” e che prima che cumincia la partida al disa ai cumpagn: “ragazzi, pronti?? ciak si gira. A smea che l’han supranuminà Fellini.

 

BIANCHI

Determinà e pressius cume s’ ha mai vist l’ann passà quand püssè che Bianchi l’era ’na sbianchìn; s’ ha tirà via d’ indoss al toni immarlatà da vernìs e finalment l’è riturna a véss al Bianchi che cunussuma.

 

COLLODEL

Al cura sempar sensa mai fermàs, che se ‘l trova chi l è ch’ lè inventà al “cruise control” la bula ‘mè ’n pacch pustal

 

GONZALEZ

Da Pietrelcina. Cun cul barbòn impatacà sü la facia agh manca madumà la toniga cun al curdòn ligà in vita e pö suma prunt par un para da miracul

 

PISCITELLA

Al g ha class da vend, e duman matina al düèrda un banch al mercà coperto da viale Dante

 

BORTOLUSSI

Al dà l’impression da véss a smòrt ‘mè la mòrt da Camariàn, pö a l’impruvìs al diventa fort ‘mè i cadenàsc dla Pupular

 

Sustitüssion

BUZZEGOLI

Dopu al quart passagg da fila sbaglià s’ha verificà una muria da pèss int l’ Agogna

 

SCHIAVI  PERALTA

Ìn stai cumprà tüti dü tantu al metar  parchè al butegar l’è garantì che temp un para d’ani i sarissan crèssü da dudas centim. Al butegar l’era disunèst

 

NARDI

L’è entrà in camp giüst al temp da purtà al can dal Banchieri a pissà, che l’ha fai süi scarpi da cul lipagion dal guardalinei grand ‘mè ‘na pübbia

 

Tifùs

Al GIUANIN FARGÜIA incö al vusava mia parchè la Cesira g’ha dai dentar tüta la not

La CARULINA l’è ciapà al DASPO parchè l’è rüsà cunt un carbigné quand la vureva a tüti i cust purtà la pastiglia dla pression al CILÈST. Car e grassia che l’ han mia ‘ristà!

 

Nonnopipo