Rimaniamo in contatto

Dialetto

Se g hann de dì …

Published

on

Puli puli puli pù fa il tacchino

quà qua qua qua l’ochetta 

ma guarda un po’ che casino

non si sa quando si giocherà

 

Se g’ han de dì i tifus dla Ternana

che ‘l so president al lèca un cü a setimana

a la matina quand leven sü

ciapen l’ Unicusano e se ‘l pichen in del …

 

Puli puli puli pù fa il tacchino

qua qua qua qua l’ochetta 

mandate affanculo il Cellino

che nessuno mai protesterà

 

Se g’ han de dì cui da Varsè

che al Belvedere hin rivà tüti a pè

a la matina quand leven sü

ciapen i scüdètt e se l’ pichen in del…

 

Puli puli puli pù fa il tacchiTo

qua qua qua qua l’ochetta

mannaggia la rima con Lotito

e un vaffanculo per lui ci sarà

 

E al Nuara che l’è fai stu burdèll

‘dess l’è rivà propi sül püssè bèll

a la matina quand leven sü

La B a disnöv squadri se le pichen in del…

 

Puli puli puli pù fa il Cellino

e tosto er Lo Tito risponne

dividemo in diciannove il bottino

e affanculo chi protesterà

 

E a tüti quei che fann al fritt da paranssa

riamission o ripescagg a fa mia diferenssa

a la matina quand leven sü 

ciapen l’Entella e se ‘l pichen in del…

 

Puli puli puli pò fa il tacchino

qua qua la fidejussone

se la réndon non c’è più discussione

e finalment i giüguma al balòn   

 

Se g’han de dì i catanès

che da partidi n’han vendü cinq o sés

a la matina quand leven sü

ciapen al Lo Monaco e se ‘l pichen in del…

 

Puli puli puli pù fa il tacchino

ci ci ci fanno i pulcini

affanculo ci andrà anche Frattini

e sui social mai più scriverà

 

Se g’ ha de di alura al Fabbricini

che ‘l so cugnòm al fa rima cun Frattini

a la matina quand leven sü

ciapen al Balata e se ‘l pichen in del…

 

Puli puli puli pù fa il tacchino

qua qua qua qua l’ochetta

ci ci ci ci fa il pulcino

e di Cintio in diretta a Feisbuc

 

Se g’ ha de dì alura al Gravina  

che al guarda tütt dla finestra in surdina

a la matina quand leva sü

al ciapa la Lega Pro e se ‘l pica in del…   

 

Puli puli puli pù fa il tacchino

e non so più cosa dire

si torni al più presto a giocare

e andì tüti a da via ‘l cü

 

Car i mè fiöi l’è un discurs da cadrega

da tri merdòn chi stann ‘ntal retrobutèga

a la matina quand leven sü

ciapen al tifus e se l pichen in del…

 

Nonnopipo 

Novara perchè è la mia città, il Novara calcio perchè è la squadra della mia città, il dialetto perchè se il futuro è una porta il passato è la chiave per aprirla. Forsa Nuara tüta la vita.

Continua a leggere
Clicca per commentare

Lascia un commento

Dialetto

L’ ültima nèbia

Published

on

T’ ho cunussù tanti ani fa drera i ültim palassiòn,
fin duva l’ ariva lüminusa e frèda la campagna,
renta i foss, urmai bèi süc dla fin stagiòn,
rasént a tèra, bassa bassa la ristagna.

Misteriusa cume ‘l vél d’una dona in gésa,
absentа* ‘mè ‘l faseva al magu dla Bicoca
suta un sul a- spurch, dla facia smorta e ufésa,
as tacava giò par tèra ‘mè un fiulin tacà la soca.

Dasi dasi la gneva ‘vanti sempar seria e silensiusa,
la rabaiava tüt cul ch’ la truava in sü la stra,
la pareva véss una gran dama tenebrusa e dispetusa,
‘mè ‘na fiulina che g’ ha voja alégra da giügà.

As lassava drera un paesagg da sògn,
spess ‘mè ‘n mür, duls ‘mè ‘na puesia,
che ti la leggi quand al cör agh n’ ha bisogn,
che dai sò rimi ti vurissi pü ‘ndа via.

E quand par man t’im cumpagnavi a scola,
i calson cört e la narigia giò dal nas,
‘nti scarpi strèti fai da curàm la sòla,
da s-ciarà gnenta i s’eri fina persüas.

T’ ho sempar vursü ben cume ‘n’ amisa
anca dess che ti t fè véd pü gnent dal tüt,
e se Nuara la to presensa la renda grisa
i rimpiangi cui mument anca se brüt.

Cume quand a dl’Alcarotti ti ‘scundevi San Gaudensi
e ti rivavi dal Valentino scavalcanda ‘l mür
e par véd un toch dla partida as faseva i penitensi
parchè a quatr’ uri dla bassura ti fasevi gni giò scür

Adess sensa da ti i giurnai in bèli e lüminusi,
anca se patissi un po’ la tò mancansa
che a füria da scargà in cel robi scarusi
da gris duarji sbianchì tüta la stansa.

L’è tantu temp che urmai s’ancuntruma mia
partend da Vèvar par rivà fin a Pernà.
un po’ da trüch un po’ da cipria e cusì sia,
t’ sè diventà ‘na sciura liganta e riservà,

E quand cul dì che prima o pö par tüti al rivarà
se ti vöri fam un regal cun grassia e curtesia,
vegna giò ancù ‘na volta sü la mè cità,
vegna giò ancura a fam un po’ da cumpagnia.

Nonnopipo

*scomparso nel nulla

Continua a leggere

Dialetto

I pagèli dl’influensa e dla sciatica

Published

on

I pagèli cun l’influensa e la sciatica grassie a SportItalia

 

Raspa  

Am da una man fasend un’ uscita che püssè gnuranta d’ insì as mora. Pö as riscata cun un’altra da inteligentòn

Bonaccorsi

L’ intervent püssè dificil a la fa quand da lateral al passa in mèss a sustitüì Benassi infurtünà.

Benassi

L’ intervent püssè dificil a la fa quand da central al passa in panchina quand l’è infurtünà

Agostinone

Anca se al g’ ha la grassia e la delicatessa d’una mietitrebbia, la so presensa in camp l’è indispensabila ‘mè al green pass par entrà int l’usteria

Paglino

Al so dirèt aversari l’ han purtà via cun l’ambulansa intrament che al vusava <Purtim via, luntan da cul lì cunt al trentadü sü la schena, i la vöri pü s-ciarà gnanca in cartulina>

Vaccari

Dopu la partida l’è ciapà al cestin dla merenda e g’ ha bütà dentar al gol. stasera cume premi g’ ha al permèss d’ andà a durmì a dés e mèsa che duman as deva andà a scola

Tentoni

Al giöga una partida da premi Nobel e cul recupero dla bala al vutantanövesim che al manda in gol al canibal Dardan, al merita l’espusission int la Galeria di Uffizi a Firense

Di Masi

Se al segna mia, almenu un assist da gol la fa sempar. Al tira al carèt cume al mülu dal Sciur Cichìn, e prima o pö un po’ da ripos a la merita.

Laaribi

Al merita un bèl vut in pagèla, sia parchè l’è stai bon da fa un fallo a giögh fèrmu, sia par la  petinadüra che la cataluga cume ambasciatur dl’ ignuransa cume agh piasa a nüm. Se pö i pensuma che Dardagnan al pretenda la so amunission quand agh va doss ris-ciand l’infurtüni, al diventa un idolo.

Vuthaj

Cun la so facina da sicàri dla mafia giapunesa, al sumena al terur in mèss dla difesa aversaria. Incö l’è penetrà in area püssè da quantu Selèn l’è stai penetrà in tüta la so carriera.

Gonzalez

Cume premi par la buna prestassion cuntra al Casal, la sucietà g’ ha cuncès al lündas da libertà

par andà a véd i cantier

 

Sustitüssion

Amoabeng   I prim dü passag i hin sbaglià, e cume al pulissa la bala cun la majèta prima da bat al fallo lateral a significa che l’è sü la stra buna par diventà vün di gnürant che i preferuma

Bortoletti  Al lavur püssè dur l’è infilà la fassa da capitàn

Capone  Al sustitüissa Paglino e al reclama parchè da cula part al trova al camp giüstà cume se a füssa passà la siloria.

Brucoli – Scariano  Benvegnü

Marchionni  I dü esterni dal centrucamp i fan un lavur dla Madona e i rüscan sensa alsà la testa. Buna l’idea dal Mister, cume cula da uffrìgh sübit un cuntrat par fa i pulissji a cà sua dò uri al dì, méi dopu l’alenament cusì i pulissan anca la docia.

Nonnopipo 

Continua a leggere

Dialetto

La paniscia … azzurra

Published

on

Tutti gli anni, con l’arrivo del primo freddo, quando la brina rende croccanti le verze, ho il piacere di riproporre queste rime.
La vegna ndi cassini e l’è un piatt dla povra gent,
l’è ‘l ricord d’una vita grama quand sül tavul gh’ era gnent.
E quand la nebbia, vèrs Nuembar, l’era grisa ‘mè la fam,
e un purscé, che tacá sü as trasfurmava in salam,
as capiva a la sveltina e sensa tèma da sbaglià,
che al temp da fa la paniscia finalment l’era rivá.
‘S cuminciava tri dí prima cun la versa giá brinà,
‘s bütava dentar i fasö, un po’ intér un po’ schiscià,
‘s faseva búi un po’ da cuji, un toch d’oss bel divussius,
e al brod, dasiot dasiot, al cuminciava a gni mustùs.
Un para d’uri i bastavan mia, agh na vüreva cinq o sés,
e se gh’ era mia temp…as saràva un öcc….va ben l’istéss!
Pö ‘s ciapava un bel cudrö che s’ üsava fai da ram,
e ‘s tirava fó dla duja ‘na fidighina e un bel salam.
Sül tajér* as pistava al lard e fina ‘s triava ‘na carota,
un po’ ‘d sèlar, una scigula fin a quand ‘l cüdrö a scota,
Quand al büter a sfrigulava e al ris l’ era ben tustá,
s’ argiungeva ‘na buta ‘d Spana a föch alégar par sügá.
Pö l’era ura, finalment, da purtá a cutüra al ris,
sensa prèssa cun passiensa par mia fà di gran pastís.
Un quart d’ ura…vint minüt, trusá ben e cun curagg!
manca dess numà una roba: una gratada da furmagg!
Pö un tocch da cul bütér che ‘l fadiga a slenguà,
as trusava ben……sensa paüra, pö ‘s lassava ripusà.
Un öcc al tavul…l’è tüt a post…anca al vin al manca mia,
e ‘s mangiava la paniscia che a Nuara l’è puesia!
Uramai l’è un bott e mèss e a l’Alcarott giöga ‘l Nuara,
‘s branca in man la biciclèta a chi riva prima ‘s fa la gara,
Sará ‘l vin in abundansa e tri piatt da cul risòt
che sü i ass da legn dla cürva as finiva a fà a cassót.
Tüti bulà ‘mè i pumcudógn e sgarblà ‘mè ‘na saràca,
ma da vusà “forsa Nuara” la nostra vus l’ era mai straca
* licenza poetica
esatto sarebbe “pistalard”
Nonnopipo

Continua a leggere

Telegram

Facebook

Ultimi Articoli

Copyright © 2017 Zox News Theme. Theme by MVP Themes, powered by WordPress.

%d blogger hanno fatto clic su Mi Piace per questo: