Al vent da tramuntana al culura d’azzurro al ciél. Dialetto

Bufa un vent da tramuntana, di altri volti un po’ divèrs

l’è bèll cald e meludiùs e da sbiéss al riva in sens invèrs

i fòi sèchi da par tèra van tacàs süi ram dla pianta,

Intrament che una bandiera la sò meludia la canta.

Bufa un vent da tramuntana, bufa un vent sü la bandiera,

bufa un vent ‘n tal ciel azzurro, bufa un vent da primavera,

bufa un vent in mèss dla cürva ch’ l’è la sò rasòn da vita,

e la cürva agh vöra ben ‘mè Garibaldi la só Anita.

Bufa un vent giò dla muntagna dal Monte Rosa a Casalìn,

dal Lagh d’Orta a la Valsesia fin rivà tacà ‘l Tisìn.

Bufa un vent ch’al riva in Cina e al passa ’d l’Inghiltèra,

bufa un vent süi scapà da cà che agh ricorda la sò tèra

E a cui da dlà dal Sesia che tiran man i sètt scüdètt,

i  gh’hann gnanca una sgabbiòt indua cunservà ‘l rispètt.

Bufa ‘l vent sü la memoria e sü la bandiera dal Nuara…

bufa ‘l vent sü ‘na reliquia e l’è una roba tantu cara…

i la guardi, i öcc i lüsan, e ‘m vegna fin un po’al magón….

i son fermu…im movi mia, e sa staca un lacrimón,

che ‘l finissa la sò cursa propi in scima a cula cruss,

propi ‘d zura la scüdètt dua ‘l argent al va ‘ntal russ.

Dess la slarghi par guardala, l’è insì bèla, l’è puesia,

l’è la mè secunda pell,  nissün al mund ‘m la porta via,

cun al durs dla man sinistra süghi i righi dla memoria…

im na vó,la ghigna spurca….ma l’è tüta un’altra storia.

Forsa Nuara tüta la vita

Nonnopipo


Novara perchè è la mia città, il Novara calcio perchè è la squadra della mia città, il dialetto perchè se il futuro è una porta il passato è la chiave per aprirla. Forsa Nuara tüta la vita.

Lascia un commento

%d blogger hanno fatto clic su Mi Piace per questo: