Al mercà Dialetto

Al mercà.

Vöri scrif una bèla cüntula par al nostar Diretur
da purtas drèra al mercà quand al cumpra i giügadur

ghè segnà cus l’è ca serva par mia fa la fin dal lifròch
basta legg i indicassiòn, ti sè già avanti d’un bèll toch.

Al purtiér l’è l’ünich ruolo che ’n t al temp l’è mia cambià,
giò la in fund tütt dimparlü al pensà madumà a parà

I difensur in mèss a l’area dess i a ciaman “i centrali”
una volta “libar e stopper” sensa cacià insì tanti bali.

Dü tersin vegia manera e un median che al magnulava
cume al Rocca da Castrovillari che i aversari ia impicava

Un’ala svigia a saltà l’oman cume al faseva al Gavinèll
sü la destra l’era una schegia e a guardal l’era fin bèll

Pò agh vöra un ragiunàt, furse un geometra però l’è mei
vün ch’al giöga tanti balón quant’in testa agh n’ha ‘d cavéi

Sü!! truvuma un “triquartista” vün da cui cunt i pé bon
cume al Lüisìn Giannini che süi pé at meteva al balòn

dess a manca chi ‘l fa i gol, un lipagiòn bèll grand e gross
vün che tüti i difensur madumà a pensàgh is cagan doss

vün cun al cör dal Pinamonte generùs ‘mè una dacquadura
Fabio Enzo, Jacomuzzi, al Ricu Bramati e tanti àltar ancura

Una panchina digurdì cun tri o quatar giuvnutèll
una brancà da “senatur” da spedì in camp sül püssè bèll

La patata un po’ sbruienta la passa in t i man dal Diretur
ma vöri scrif l’ültim cunsili: dagh i tri dì a l’alenadur.

Nonnopipo


Novara perchè è la mia città, il Novara calcio perchè è la squadra della mia città, il dialetto perchè se il futuro è una porta il passato è la chiave per aprirla. Forsa Nuara tüta la vita.

Lascia un commento

%d blogger hanno fatto clic su Mi Piace per questo: